Despois de varios días deixando pistas, chegou o momento de contalo todo. O Días Locos Shopping Day chega ao Carballiño cunha xornada chea de compras, animación, premios e actividades para todos os públicos.

Un total de 35 comercios participantes ofrecerán promocións e ofertas especiais para dar a benvida ao verán e seguir impulsando o comercio local.

Compras con premio

Durante a xornada sortearemos un total de 200 € en vales de compra, repartidos en:

  • 4 vales de compra de 50 € cada un.

Para participar só tes que mercar nalgún dos establecementos participantes, cubrir a túa papeleta e depositala na urna situada no stand do Carballiño CCA na Praza Maior.

Animación e actividades nas rúas

O Shopping Day estará acompañado dunha completa programación para crear ambiente nas rúas do Carballiño:

  • Música polas rúas co Coro Harmonía.
  • Exhibición do Grupo de Baile Moderno do Centro Sociocomunitario.
  • Inchables para os máis pequenos na Praza Maior e na Pista Vermella, a partir das 17:30 horas.

Ademais, poderás identificar facilmente os comercios participantes grazas á súa decoración especial para esta ocasión.

Vive os Días Locos no Carballiño

Venres 12 de xuño, convidámoste a saír á rúa, descubrir as ofertas dos nosos comercios e gozar dunha xornada diferente apoiando o comercio de proximidade.

Compras, animación, premios e moito ambiente. Non o perdas!