O verán chega cargado de cor e enerxía a O Carballiño coa Holi Party Carballiño CCA, unha iniciativa da Asociación Carballiño Centro Comercial Aberto (CCA) que mestura festa, música, gastronomía e, sobre todo, apoio ao comercio local.

Unha semana de compras con premio

Do 11 ao 18 de xullo, facer compras nos establecementos asociados ao CCA terá recompensa. Se gardas os teus tickets, poderás canxealos por bolsas de polvos Holi para gozar da festa final. É unha forma divertida e orixinal de premiar a fidelidade da mocidade carballiñesa e impulsar o consumo nos comercios da vila.

A gran festa: música, cor e sabor local

O punto álxido da campaña será o venres 18 de xullo a partir das 19:00 h na Pista Roxa, onde se celebrará unha auténtica festa Holi. Haberá sesión musical en directo da man do DJ A30/60, e os sabores frescos e naturais virán da man da fruit truck “Amoras”, que traerá delicias para todos os gustos.

Comercio local: máis que tendas

Esta campaña non é só unha actividade de verán, senón unha aposta por dinamizar o comercio de proximidade, xerar emprego e fortalecer o tecido social. Comprar nos establecementos locais é apoiar á xente da túa vila, recibir unha atención personalizada e contribuír a manter vivas as rúas de O Carballiño.

Un verán para colorear xuntos

A campaña forma parte da estratexia veraniega do CCA baixo o lema “Compra, colorea e disfruta este verán co comercio de O Carballiño”. Ademais, conta co apoio do Concello de O Carballiño e o financiamento da Consellería de Emprego, Comercio e Emigración da Xunta de Galicia, reforzando o compromiso institucional co comercio de proximidade.

Queres gozar do verán mentres apoias o comercio local? Compra, colorea e celebra na Holi Party Carballiño CCA!