O agasallo de papá fáino Carballiño CCA

Con motivo da celebración do Día do Pai, Carballiño CCA pon en marcha a campaña “O agasallo de papá fáino Carballiño CCA”, unha iniciativa para fomentar as compras no comercio local e premiar ás persoas que elixen mercar nos establecementos asociados.

A campaña desenvolverase do 13 ao 20 de marzo. Durante este período, todas as persoas que realicen unha compra nos comercios participantes poderán rexistrar o seu ticket de compra nesta páxina.

Como participar

  • Realiza unha compra nun dos establecementos asociados a Carballiño CCA.
  • Rexistra o teu ticket de compra a través do formulario desta páxina.
  • Cada ticket rexistrado supón unha participación no sorteo.
  • Podes rexistrar tantos tickets como compras realices durante os días da campaña.

O premio

Entre todos os tickets rexistrados realizarase un sorteo o 20 de marzo, que se emitirá a través das redes sociais de Carballiño CCA.

A persoa gañadora verá reintegrado o importe da compra correspondente ao ticket premiado, segundo as condicións establecidas nas bases da campaña.

O importe máximo do premio será de 100 €.

Compra no comercio local

Con esta iniciativa, Carballiño CCA busca dinamizar o comercio local e animar á veciñanza a celebrar o Día do Pai mercando no pequeno comercio do Carballiño.

Campaña cofinanciada pola Xunta de Galicia.